Монгол Улсын Хууль зүй, дотоод хэргийн яамны Хууль зүйн бодлогын газар, Бодлогын хэрэгжилтийг зохицуулах газарт мэргэжилтэн, ахлах мэргэжилтэн, яамны харьяа Хууль зүйн туслалцааны төвд Захирал, Мянганы сорилтын сангийн “Хөрөнгийн бүртгэл” төслийн дотоодын Зөвлөх хуульч, “Нэйшнл Лайф даатгал” ХХК-д хуульч, Дэд захирал, Гүйцэтгэх захирлаар ажиллаж байсан, Монгол Улсын Шүүхийн шүүгчийн Ёс зүйн хорооны гишүүн, Монголын Нотариатчидын Танхимын Ёс зүйн зөвлөлийн гишүүнээр томилогдон ажиллаж байсан.

Хуулийн салбарт 30 шахам жил ажилласан. Хуулийн төсөлтэй холбогдох судалгаа хийх, хуулийн төслийн үзэл баримтлал боловсруулах, хуулийн төсөл боловсруулах чиглэлээр мэргэшсэн. Бие даасан болон нэмэлт, өөрчлөлт оруулах 60 гаруй хуулийн төсөл боловсруулахад оролцсон.

Банк, санхүү, даатгал, бизнесийн эрх зүй, гэр бүлийн эрх зүй, хөдөлмөрийн эрх зүй, компанийн эрх зүй, боловсрол, эрүүл мэнд, газрын эрх зүйн чиглэлээр хууль зүйн зөвлөгөө, дүгнэлт өгөх, Эрүү, иргэн, захиргааны хэрэг шүүхэд хянан шийдвэрлэх ажиллагаанд үйлчлүүлэгчийн төлөөлөл, өмгөөлөл хэрэгжүүлэн ажилладаг.